İDMAN


Şaolin döyüş sənəti üzrə açıq Bakı kuboku yarışlarının qalibləri müəyyənləşib

Bakı, 13 iyun, AZƏRTAC

Bakı Şəhər Gənclər və İdman Baş İdarəsi (BŞGİBİ) tərəfindən Abşeron Olimpiya İdman Kompleksində Milli Qəhrəman Mübariz İbrahimovun xatirəsinə şaolin döyüş sənəti üzrə açıq paytaxt kuboku yarışları keçirilib.

BŞGİBİ-dən AZƏRTAC-a bildiriblər ki, turnirdə 13 klubdan 160 idmançı birincilik uğrunda mübarizə aparıb.

Yarışda Rəhim Abbasov (8-9 yaşlı idmançılar arasında), Hüseyn Hüseynov (10-12 yaş), Soltan Əlihüseynov (13-15 yaş), Elşən Quliyev (16-17 yaş), Turxan Cavadov (18 yaşdan yuxarı) fəxri kürsünün ən yüksək pilləsinə qalxıblar.

İlk üç yeri tutmuş idmançılar Baş İdarə tərəfindən kubok, müvafiq dərəcəli diplom və medallarla mükafatlandırılıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.