İDMAN


Qılıncoynadanlarımız “Moskva sablyası” beynəlxalq turnirində güclərini sınayıblar

Bakı, 16 may, AZƏRTAC

Rusiyada qılıncoynatma üzrə qadınlar arasında dünya kubokunun Qran-Pri mərhələsi olan “Moskva sablyası” beynəlxalq turniri keçirilib.

AZƏRTAC xəbər verir ki, ölkəmizi turnirdə Sevil və Sevinc Bünyatova bacıları təmsil edib.

Sevinc Bünyatova qrup mərhələsində keçirdiyi 6 görüşdən 2-də qələbə qazansa da, xal hesabına görə növbəti mərhələyə yüksələ bilməyib.

Digər təmsilçimiz Sevil Bünyatova isə qrupda keçirdiyi 6 görüşdən 4-nü qalib başa vurmaqla pley-off mərhələsinə vəsiqə qazanıb. İdmançımız 1/64 final mərhələsində italiyalı sablyaçı Katerina Navarrianı 15:13 hesabı ilə məğlub edib. Qılıncoynadanımzın turnirin 1/32 finalında da rəqibi İtaliya təmsilçisi olub. Sablyaçımız bu dəfə Loreta Gulotta üzərində 15:14 hesablı qələbə qazanıb. 1/16 finalda polşalı Malqorzata Kozaçuka 10:15 hesabı ilə uduzan sablyaçımız 142 iştirakçı arasında 31-ci olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.