SİYASƏT


Macarıstanda “Azərbaycan Paris Sülh Konfransında” adlı toplu nəşr olunub

Budapeşt, 25 may, AZƏRTAC

Azərbaycan Xalq Cümhuriyyətinin yaradılmasının 100 illik yubileyi ərəfəsində ölkəmizin Macarıstandakı səfirliyinin təşəbbüsü ilə Budapeştdə cümhuriyyət dövrünün diplomatik sənədlərindən ibarət “Azərbaycan Paris Sülh Konfransında (1919-1920)” adlı toplu nəşr olunub.

AZƏRTAC xəbər verir ki, topluya Ə.Topçubaşovun rəhbərliyi ilə Paris Sülh Konfransında iştirak edən Azərbaycan nümayəndə heyətinin konfransın Ali Şurasına təqdim etdiyi və cümhuriyyətin de-fakto tanınması üçün əsas rolunu oynayan "Qafqaz Azərbaycanı nümayəndə heyətinin sülh konfransından tələbləri" adlı memorandumun ingilis, fransız və macar dillərində mətnləri daxil edilib.

Kitabın tərtibçisi və çapa hazırlayan cümhuriyyət dövrünə dair çoxsaylı araşdırmaların müəllifi kimi tanınan səfir Vilayət Quliyevdir. O, eyni zamanda, Azərbaycan Xalq Cümhuriyyətinin tarixi və Paris Sülh Konfransındakı nümayəndə heyətinin fəaliyyəti barədə geniş və əhatəli müqəddimə də yazıb.

Pərvanə Qarayeva

AZƏRTAC-ın xüsusi müxbiri

Budapeşt

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.